Doutor Livingstone, supoñemos… ou Gero? Octopus, ou Non? Aproveitando que case a metade do Baleiro conta cun rango apto para ser un súper vilán, afondamos nese título.
Alén da medicina, hai doutoras de todo e para todo. Pensamos nalgunhas delas, dos doutores tolos ás incomprendidas, valoramos os seus experimentos e traballos, que poboan as novelas e películas.
Neste novo programa do Baleiro Perfecto repasamos a figura do doutor na ciencia ficción e na arte en xeral, o poder do profesional historicamente nas aldeas e vilas, e o seu papel prometeico coa ciencia e a tecnoloxía.
